Ռազմավարություն

Ռազմավարություն

Ընկերության գործունեության ռազմավարական ուղղություն է արտադրվող էլեկտրաէներգիայի ծավալների ընդլայնումը ի հաշիվ նոր արտադրական պոտենցիալի ստեղծման և միավոր էլեկտրաէներգիայի արտադրության համար ջրի տեսակարար ծախսի իջեցման: 2010թ-ին Ընկերության կողմից արտադրվել է էլեկտրաէներգիայի շուրջ 177.64 մլն ԿՎտ/ժամ ծավալ, որը գերազանցել է 2010թ-ի էլեկտրաէներգիայի կանխատեսվող ծավալը 10.2%-ով: Ըստ էության, 2010թ-ին Ընկերությունը բավարարել է ԼՂՀ-ի էլեկտրաէներգիայի պահանջարկի 76.3%-ը:
Ներկայումս էլեկտրաէներգիայի արտադրությունն Ընկերությունն իրականացնում է Սարսանգի և Թրղե-1 ՀԷԿ-երի միջոցով:
Ընկերության հիմնական ակտիվը Սարսանգի ՀԷԿ-ն է, որը կառուցվել է 1976թ. ԼՂՀ հիմնական գետի` Թարթառի վրա և համարվում է նախկին ԽՍՀՄ լավագույն և սարքավորումներով առավելագույնս հագեցած ՀԷԿ-երից մեկը:
Սարսանգի ՀԷԿ-ը տեղակայված է Սարսանգի ջրամբարի վրա: Վերջինս ունի 500 մլն մ3 արդյունավետ ծավալ: Ամբարտակի բարձրությունը և լայնությունը կազմում են համապատասխանաբար 730մ և 550մ, որը նույնիսկ եվրոպական երկրների շարքում համարվում է ամենաբարձրերից մեկը:
2010թ-ի ապրիլին շահագործման է հանձնվել Թրղե-1 ՀԷԿ-ը, և Ընկերությունը այսօր իրականացնում է լայնածավալ ներդրումներ երեք ՀԷԿ-երի` Մատաղիս-1, Մատաղիս-2, Թրղե-2, կառուցման ուղղությամբ: ՙԼՂՀ ջրային պաշարների յուրացում՚ ծրագրի շրջանակներում նախատեսվում է 2011թ-ի ընթացքում ավարտին հասցնել կառուցվող ՀԷԿ-երի շինարարական աշխատանքները:
Թրղե-1 ՀԷԿ-ի շինարարության ծրագրի արժեքը կազմել է շուրջ 832.5 մլն ՀՀ դրամ, որն իրականացվել է բաժնետոմսերի առաջին տեղաբաշխումից ներգրավված սեփական միջոցների հաշվին:
Ստորև ներկայացվում են Մատաղիս-1, Մատաղիս-2, Թրղե-2 ՀԷԿ-երի շինարարության ծրագրերի նախնական արժեքները և դրանց կատարողականները 31.12.2010թ-ի դրությամբ:
ՀԷԿ-երի շինարարության ծրագրերի նախնական արժեքները և դրանց կատարողականները.

*Ցուցանիշներ*	*Թրղե 2*	*Մատաղիս 1*	*Մատաղիս 2*	*Ընդամենը*
Ծրագրի նախնական արժեքը, մլն ՀՀ դրամ	2000	3300*	2100	7400
Ծրագրի կատարողական, մլն ՀՀ դրամ	1,477.6	2822	1801.7	6101.3

Աղբյուրը` ՙԱՐՑԱԽ ՀԷԿ՚ ԲԲԸ
* Արժեքը ներառում է նաև աշխատակիցներին բնակարաններով ապահովման և ճաշարանի կառուցման ծախսերը

Նոր ՀԷԿ-երի շինարարության ծրագիրը 31.12.2010թ-ի դրությամբ կատարվել է 82.45%-ով:
Ստորև ներկայացվում են Թղրե 1, Թրղե-2, Մատաղիս-1, և Մատաղիս-2 ՀԷԿ-երի տեխնիկական ցուցանիշները:

ՀԷԿ-երի տեխնիկական ցուցանիշները

*Բնութագրեր*	*Չափման միավոր*	*Թրղե* *ՀԷԿ-1*	*Թրղե* *ՀԷԿ-2*	*Մատաղիս ՀԷԿ-1*	*Մատաղիս ՀԷԿ-2*
Դրվածքային հզորություն	ՄՎտ ՄՏՎ	3	5.9	4.8	3
Էլ. Էներգիայի միջին բազմամյա արտադրանք	մլն ԿՎտ/ժամ	16.5	24.82	22.4	13.2
Հաշվարկային ճնշում	Մ	210	355.5	19.5	11.7
Հաշվարկային ելք	Մ³/վրկ	2	2	30	30
Տարեկան ջրահոսքի ծավալ	Մլն մ³	33.76	28.54	632.4	632.4
Հիդրոագրեգատների թիվ	Հատ	3	2	3	3
Դերիվացիոն խողովակաշարի երկարություն	Կմ	5	5	0.24	0.03
Դերիվացիոն խողովակաշարի տրամագիծ	Հատ/մմ	1/1220	1/1220	31600/32520	3*2520

Աղբյուրը` ՙԱՐՑԱԽՀԷԿ՚ ԲԲԸ

Նշված ՀԷԿ-երի կառուցման նախագծա-նախահաշվային աշխատանքներն իրականացվում են ՙՀայհիդրոէներգանախագիծ՚ ՓԲԸ-ի կողմից: Նախնական գնահատմամբ Թրղե-3 ՀԷԿ-ի շինարարական աշխատանքները կսկսվեն 2011թ-ի երկրորդ եռամսյակում, շահագործման կհանձնվի 2012թ-ի երկրորդ եռամսյակում:

16 / 05 / 2012

<<ԱՐՑԱԽ ՀԷԿ>> ԲԲԸ-ն հրապարակել է 2012թ.-ի առաջին եռամսյակի ֆինանսական հաշվետվությունները:

<<<կարդալ

12 / 05 / 2012

2012թ, ապրիլի 30-ին տեղի է ունեցել <<Արցախ ՀԷԿ>> ԲԲԸ-ի բաժնետերերի երրորդ ընդհանուր տարեկան ժողովը

<<<կարդալ

Կարդալ ավելի